Таямніцы Лошыцкага парка

ЗАМОВІЦЬ
  • галоўны ўваход у парк

  • паркавыя алеі

  • вул.Чыжэўскіх

  • вул.Маякоўскага

  • галоўны ўваход у парк

3 гадзіны

у экскурсіі - шмат прыпынкаў для агляду аб'ектаў, пераезды - непрацяглыя, у няспешным тэмпе

9км

збольшага, маршрут пракладзены па веласцежках і ходніках, без выезду на праезную частку вуліцы

публічная экскурсія:
1-2 разы ў месяц

расклад бліжэйшых публічных экскурсій размяшчаецца ў раздзеле "Бліжэйшыя", а таксама ў суполках у сацыяльных сетках

прыватная экскурсія на беларускай:
140 / 180 / 220 руб. за
1-3 / 4-9 / 10-15 чал.

кошт прыватнай экскурсіі на беларускай мове, без уліку платы за пракат ровара

прыватная экскурсія:
240 / 280 / 320 руб. за
1-3 / 4-9 / 10-15 чалавек

кошт прыватнай экскурсіі на ангельскай, рускай, французскай, польскай мове, без уліку платы за пракат ровара

пракат ровара ≈ 15 руб.

дакладны кошт пракату ровара залежыць ад працягласці экскурсіі, умоваў яго дастаўкі; у нашых экскурсіях можна выкарыстоўваць любы спраўны ровар

Гэтыя алеі і паляны схаваліся ад горада на самым яго ўскрайку. Былы маёнтак Прушынскіх, знакамітая баляваннямі сядзіба графа Любанскага, месца загадкавай гібелі Ядвігі Кеневіч, сцежкі шпацыраў Вінцэнта Дуніна-Марцінкевіча, штаб па падрыхтоўцы дыверсантаў НКУС, месца сталінскіх растрэлаў і нарадаў нацысцкага штаба, база навуковых даследаванняў пад кіраўніцтвам сусветна вядомага акадэміка М. Вавілава... У гэтай прасторы надта шмат напластаванняў, хранометры зашкальваюць, асцярожней - каб не праваліцца ў часе, машына часу рызыкуе даць збой. Цені зніклых цягнуцца тут паралельна з жывымі, блукаюць згубленымі паркавымі сцяжынамі, мільгацяць між галля старых дрэваў... Чакаем вас, адважныя веладаследчыкі. Вяртанне ў XXI стагодзе гарантуем.

Аб'екты: сядзіба Прушынскіх-Любанскіх XVI-XIX ст., вадзяныя млыны і вінакурня пач.ХХ ст., ліпавая алея XVIII ст., векавыя дубы, экзатычныя паркавыя расліны, сад акадэміка М. Вавілава, помнік загінулым падчас 2-й Сусветнай вайны, Чорны яр (месца сталінскіх растрэлаў), рэшткі капліцы-крыпты Прушынскіх XVIII ст. і інш. Пасля экскурсіі магчыма наведванне музея “Лошыцкая сядзіба” (аплочваецца дадаткова).


Умовы

КАЛІ ЛАСКА, ПРАЧЫТАЙЦЕ ГЭТУЮ ІНФАРМАЦЫЮ ПЕРАД ТЫМ, ЯК ДАЛУЧЫЦЦА ДА НАШЫХ ЭКСКУРСІЙ.

  • у нашых вандроўках могуць удзельнічаць асобы, здольныя ўпэўнена катацца на ровары;
  • экскурсіі "Менскага велашпацыра" характарызуюцца невялікай фізічнай нагрузкай, адбываюцца ў сярэднім для ўсёй групы тэмпе і маюць шмат прыпынкаў;
  • дзеці да 14 год могуць удзельнічаць у экскурсіі выключна ў прысутнасці сваіх бацькоў ці паўнагадовых блізкіх сваякоў, якія ў такім выпадку бяруць на сябе адказнасць за гэтых дзяцей падчас экскурсіі, што мусіць быць засведчана подпісам гэтых паўнагадовых асобаў перад пачаткам экскурсіі;
  • дзеці ад 14 да 17 год уключна могуць удзельнічаць у экскурсіі без прысутнасці сваіх бацькоў ці паўналетніх блізкіх сваякоў, але з іх абавязковым пісьмовым дазволам, складзеным у прысутнасці экскурсавода;
  • да экскурсіі не дапускаюцца асобы ў нецвярозым стане, цяжарныя жанчыны;
  • для публічнай рэгулярнай экскурсіі*: неабходна прыязджаць на месца сустрэчы sза 10 хвілінаў да пачатку экскурсіі;
  • перад тым, як далучыцца да нашай экскурсіі - калі ласка, паведаміце нам аб гэтым;

*публічная рэгулярная экскурсія - г.зн. адкрытая экскурсія для зборнай групы, якая адбываецца рэгулярна, інфармацыя аб якой распаўсюджваецца публічна для набору групы з усіх ахвотных; звычайна так кажуць пра экскурсію, калі хочуць адрозніць яе ад экскурсіі па індывідуальнай (прыватнай) замове кліента, якая мае закрыты характар;

  • для ўдзелу ў экскурсіі вы можаце выкарыстоўваць любы тэхнічна спраўны ровар;
  • "Менскі велашпацыр" можа арганізаваць пракат ровараў; дакладны кошт залежыць ад працягласці маршруту, месца сустрэчы, колькасці патрэбных вам ровараў - скантактуйцеся з намі, каб даведацца пра ўмовы);
  • калі ласка, памятайце: каб узяць ровар на пракат, вам будзе неабходны пашпарт або іншы раўназначны дакумент;
  • для рэгулярных публічных экскурсій: "Менскі велашпацыр" не гарантуе наяўнасць вольных ровараў для здачы ў пракат;
  • усе ўдзельнікі экскурсій "Менскага велашпацыра" падчас экскурсій абавязаны ведаць і выконваць наступныя правілы бяспечнага руху, складзеныя на падставе Раздзела 20 Правілаў дарожнага руху Рэспублікі Беларусь ("Рух на веласіпедах і мапедах"):
  • удзельнікі экскурсіі "Менскага велашпацыра" рухаюцца выключна ў пешаходнай зоне і па веласцежках з перасячэннем пры неабходнасці праезжай часткі дарогі ў адмыслова прызначаных для гэтага месцах пешшу (пераезд праезжай часткі дарогі на ровары дазваляецца толькі на адмыслова пазначаных для гэтага скрыжаваннях);
  • у выключных выпадках і толькі з дазволу экскурсавода дапускаецца рух экскурсантаў па праезнай частцы дарогі ў адзін шэраг не далей за 1 метр ад яе правага краю;
  • напрацягу экскурсіі удзельнікі экскурсіі павінны рухацца ланцугом (адзін за адным), не абганяючы адзін аднога, з мінімальнай дыстанцыяй бяспекі 3 метра;
  • па-за рэгуляванымі скрыжаваннямі, на перасячэнні роварнай сцежкі з дарогай раварыст абавязаны саступіць дарогу транспартным сродкам, якія рухаюцца па гэтай дарозе;
  • пры руху па дарозе ў цёмны час сутак і (або) пры яе недастатковай бачнасці павінны быць уключаны: спераду — фара (ліхтар), якая выпраменьвае белае святло, ззаду — ліхтар, які выпраменьвае чырвонае святло;
  • забараняецца выкарыстоўваць тэхнічна няспраўны ровар; кожны ўдзельнік экскурсіі сам адказвае за належны тэхнічны стан уласнага ровару; за тэхнічны стан ровараў, узятых на пракат, адказваюць таксама супрацоўнікі велапраката;
  • забараняецца рухацца, не трымаючыся за руль і (або) не трымаючы ногі на педалях (падножках);
  • забараняецца перавозіць пасажыраў, за выключэннем перавозкі на ровары дзяцей ва ўзросце да сямі гадоў на дадатковым адмыслова абсталяваным сядзенні;
  • перавозіць грузы, якія выступаюць больш чым на 0,5 метра па даўжыні або шырыні за габарыты ровара, а таксама грузы, якія замінаюць кіраванню роварам;
  • забараняецца буксіроўка ровара і роварам;
  • наяўнасць роварнага шлема не з'яўляецца абавязковай умовай для ўдзелу ў нашых экскурсіях, але ўдзельнікі экскурсіі бяруць на сябе адказнасць за сваё рашэнне аб выкарыстанні або невыкарыстанні роварнага шлема падчас экскурсіі;
  • адказнасць за магчымае нешчаслівае здарэнне нясе непасрэдны віноўнік гэтага здарэння (кожная сітуацыя мусіць разглядацца асобна);
  • кожны ўдзельнік экскурсіі перад пачаткам экскурсіі павінны засведчыць асабістым подпісам сваё веданне і гатоўнасць выконваць прыведзеныя вышэй правілы;