2,5 гадзіны
у экскурсіі - шмат прыпынкаў для агляду аб'ектаў, пераезды - непрацяглыя, у няспешным тэмпе
11 км.
збольшага, маршрут пракладзены па веласцежках і ходніках, без выезду на праезную частку вуліцы
публічная экскурсія:
1-2 разы ў сезон
расклад бліжэйшых публічных экскурсій размяшчаецца ў раздзеле "Бліжэйшыя", а таксама ў суполках у сацыяльных сетках
прыватная экскурсія на беларускай:
140 / 180 / 220 руб. за
1-3 / 4-9 / 10-15 чал.
кошт прыватнай экскурсіі на беларускай мове, без уліку платы за пракат ровара
прыватная экскурсія:
240 / 280 / 320
руб. за
1-3 / 4-9 / 10-15 чал.
кошт прыватнай экскурсіі на ангельскай, рускай, французскай, польскай мове, без уліку платы за пракат ровара
пракат ровара ≈ 15 руб.
дакладны кошт пракату ровара залежыць ад працягласці экскурсіі, умоваў яго дастаўкі; у нашых экскурсіях можна выкарыстоўваць любы спраўны ровар
Ужо ў XVI ст. у Мінску загучала жыдоўская малітва. Яўрэйская грамада фармавалася тут цягам стагоддзяў і даволі добра ладзіла з тутэйшым насельніцтвам, а пасля ўказу аб рысе аседласці (кан. XVIII ст.) стала адной з самых вялікіх у Расійскай Імперыі. У ХХ ст. ідыш ужо паўсюдна гучаў на гарадскіх рынках, у школах, крамах, у шматлікіх сінагогах і нават з дзяржаўных шыльдаў. У горадзе з'яўляецца вялікая колькасць прадпрыемстваў, што належылі яўрэям, Мінск становіцца цэнтрам яўрэйскага бізнэсу. А ў заснаваным савецкай уладай самым Беларускім дзяржаўным універсітэце (сёння - БДУ) большасць студэнтаў мела яўрэйскае паходжанне, і менавіта гэтая вну амаль дамовілася з Альбертам Энштэйнам аб яго працаўладкаванні ў Мінску... Адзін з самых вядомых мінскіх яўрэйскіх кварталаў - Ракаўскае прадмесце - захаваўся да нашых дзён. Менавіта гэты раён становіцца цэнтрам мінскага гета - месцам пакутлівай смерці тысячаў беларускіх і дэпартаваных з Заходняй Еўропы яўрэйскіх сем'яў, і разам з тым - месцам адчайнай, смелай падпольнай барацьбы за волю і жыццё, памяць аб чым мінчукі захоўваюць і па сёння. Пасля вайны, здавалася, Эдэм можа вярнуцца сюды, але Мінск становіцца месцам вельмі жорсткай расправы над самым вядомым яўрэем СССР, ініцыяванай Сталіным... А што сёння? Ці ёсць яўрэі ў Мінску?.. Мінск яўрэйскі - гэта багатая гістарычная спадчына беларускай сталіцы, запрашаем вас на самую кашэрную з нашых экскурсій!
Аб'екты: былая харальная сінагога к.XIX в., Ракаўскае прадмесце (старая забудова, сінагога Зальцмана, дом Абрама Чэрчыса, былы хедэр, дом з мезузай і інш.), тэрыторыя былога гета, старыя яўрэйскія могілкі, мемарыял «Яміна» і іншыя памятныя знакі, прысвечаныя Халакосту, былыя яўрэйскія крамы, прадпрыемствы і інш. Падчас экскурсіі магчыма наведванне тэматычных музейных экспазіцый (аплочваецца дадаткова).