2 дні
у гэты агульны час экскурсіі ўваходзяць шматлікія кароткія і працяглыя прыпынкі, а таксама пераезды на цягніках або аўтатранспарце
85 km
пазначаны кіламетраж мае на ўвазе веламаршрут, які, збольшага, пралягае ў зялёнай зоне ці па веласцежках, зрэдку - па ўзбочынах аўтадарог і ходніках
публічная экскурсія: не праводзіцца
экскурсія праводзіцца толькі па прыватнай ці карпаратыўнай замове
прыватная экскурсія на беларускай:
620 / 690 / 760 руб. за
1-3 / 4-9 / 10-15 чал.
кошт экскурсіі на беларускай мове, які ўключае паслугі гіда і яго падарожныя выдаткі, арганізацыю экскурсіі; кошт не ўключае пракат ровараў і іншыя магчымыя падарожныя выдаткі турыстаў
прыватная экскурсія:
850 / 920 / 990 руб. за
1-3 / 4-9 / 10-15 чал.
кошт экскурсіі на ангельскай, рускай, польскай, французскай мове, які ўключае паслугі гіда і яго падарожныя выдаткі, арганізацыю экскурсіі; кошт не ўключае пракат ровараў і іншыя магчымыя падарожныя выдаткі турыстаў.
пракат ровара ≈ 35 руб.
кошт пракату ровара залежыць ад працягласці экскурсіі, умоваў дастаўкі; у нашых экскурсіях можна выкарыстоўваць любы спраўны ровар
Падчас гэтага падарожжа мы будзем бачыць, чуць, каштаваць і захапляцца гісторыка-культурнымі скарбамі паўночна-заходняй Беларусі. Вясковымі дарогамі, палявымі сцежкамі, рэйкамі ды шпаламі - мы дасягнем тых мясцінаў, дзе адбываліся важныя гістарычныя падзеі і жылі славутыя асобы, дзе дагэтуль гатуюцца шыкоўныя стравы і напоі! Ад гісторыка-культурнага запаведніка Заслаўя з яго музейнымі багаццямі і маляўнічымі краявідамі мы накіруемся да калісьці знакамітага яўрэйскага мястэчка Гарадок, дзе нас чакае начлег і разнастайная смаката ад гасцінных гаспадароў мясцовай аграсядзібы. А на раніцу - выправімся ў далейшы шлях, каб дакрануцца да сярэднявечных муроў легендарнага Крэўскага замка або зазірнуць на паланэз да Міхала Клеафаса Агінскага ў яго маёнтак Залессе!
Аб’екты:
- Заслаўе: валы абарончай крэпасці Х ст., старая забудова, помнік Рагнедзе і Ізяславу, касцёл Нараджэння Найсвяцейшай Панны Марыі XVIII ст., рынкавая плошча з помнікамі князю Ізяславу, Леніну, абарончыя ўмацаванні і кальвінскі збор XVI ст. і інш.;
- музеі гісторыка-культурнага запаведніка “Заслаўе” на выбар: краязнаўчы музей з калекцыяй беларускіх традыцыйных музычных інструментаў, музей-ДОТ, этнаграфічны комплекс “Млын” (паравы млын пач. XX ст., кузня, свіран, хата завозніка), дзіцячы музей міфалогіі леса;
- Гарадок: абарончыя валы замка XIV ст., рэшткі млына і сінагога пач. ХХ ст.;
- Залессе: палацава-паркавы ансамбль М.Кл.Агінскага пач.XIX ст./ Крэва: руіны замка XIV ст., Юрава гара, царква св. Ал.Неўскага XIX ст., нямецкі бліндаж 1-й Сусветнай вайны, касцёл Перамянення Пана і інш;